zamn.gid3an.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

zamn.gid3an.com


 
الرئيسيةأحدث الصورالتسجيلدخول

 

 قصه حب بالصدفة

اذهب الى الأسفل 
2 مشترك
كاتب الموضوعرسالة
love never fails

love never fails


عدد الرسائل : 106
العمر : 34
تاريخ التسجيل : 28/08/2008

قصه حب بالصدفة Empty
مُساهمةموضوع: قصه حب بالصدفة   قصه حب بالصدفة I_icon_minitimeالخميس 11 سبتمبر 2008 - 11:14


قصه حب بالصدفة

قصه واقعيه أعجبتني وأتمنى أن تعجبكم.....

كان يا ما كان في سالف العصر والأوان
كان في بنت حلووووة اسمها شجن
وحيده أهلها ما عندها أخوات ولا إخوان
كانت عايشة في الخارج لتكمل دراستها الجامعية فكانت تعيش في سكن
طالبات الجامعة في كندا
وأيضا في نفس الجامعة شاب وسيم يدعى بدر
أخونا بدر كان ابن عز ومتعود على حياة الترف
أما شجن فكانت حياتها عادية جدا
في يوم من الأيام كان بدر وصديقه يوسف في مواقف الجامعة
وكان هناك شجن وصديقاتها حصل اصطدام بسيط بين بدر وشجن
لانه بدر كان يبي يفتح باب سيارته فخبط شجن على وسطها بالباب دون قصد
طبعا شجن ماسكتت له وقالت له
شجن : يؤيؤ شفيك انت ماتشوف منت شايفني واقفة ليش تفتح الباب وتخبطني فيه
بدر: سووووري ماكن قصدي غصبن عني
شجن : انتو كذا يالشباب يوم ودكم تتحرشون في بنت تسوون أي طريقة
وبعدين تقولون سووري
بدر: لو سمحتي أختي أنا غير عن كل الشباب أنا ما أفكر أصلا إني
أطالع في أشكالك
شجن : تراك قليت أدب منت ملاحظ
بدر : وش يعني ما هميتيني
يوسف : خلاص يا جماعه حصل خير آسفين أختي
شجن : ياله روح بس اركب سيارتك وتسهل قبل ماكلملك الأمن
بدر يطالع فيها نظرات ازدراء ويضحك ويمشي عنها هو ويا يوسف
شجن معصبة تركب سياراتها وتروح تتمشى شوي
وخلال تمشيتها جلست تراجع نفسها وش ذا الي سوته مع الشاب
مبين عليه محترم بس هي ماعرفت تتصرف معاه
وفكرت وهي تتمشى انها تروح للسوق تقضي هدايا قبل الاجازة
لانها بتسافر خلال الاجازة لاهلها تقضي الصيف عندهم
وخلال ماهي تتسوق اصطدمت بشاب
على طول بادرته بالاسف وهو بعد تأسف منها يوم طالعوا ببعض زين
عرفوا بعض قام بدر قالها
بدر: انتي ملاحقتني
شجن : اناولا انت الي ملاحقني
على العموم حصل خير عن اذنك
لما اصدموا ببعض اتلخبطت جوالاتهم
بدر اخذ جوال شجن
وشجن خذت جوال بدر
بدر يرن عنده الجوال
بدر: الووو مين
سمر : انت مين ووين شجن
بدر : شجن مين هذا جوالي انتي غلطانه
وتوالت عليه الاتصالات
شجن : الووو
يوسف : مين انتي
شجن خير اخوي تبي شيء انت داق علي
يوسف : انا داق على خويي بدر وهذا رقمه
شجن : شلون كم الرقم الي انت طالبه
يوسف :0000
شجن : غلطان اخوي
تروح شجن وتدق على جوالها
بدر: الوو
شجن : مين انت
وشلون جوالي عندك
بدر : جوالك
يبه هذا جوالي انا بدر انتي الي داقه غلط
شجن : لا موغلط ارجع انت ودق على رقمك وشوف مين يرد عليك
بدر : اوكي
يدق بدر وترد عليه شجن
شجن : شفت اخوي مو قلت لك انه الي معاك جوالي والي معاي جوالك
بدر : أي صحيح شلون اخذه منك
شجن نتقابل في الحديقة العامة
بدر : اوكي الساعه 4 زين
شجن : اوكي
اتقابلوا وكل واحد منهم اخذ جواله وراح بحال سبيله
بعد اسبوع
تجهز شجن شنطة سفرها لانها بترجع لاهلها
وصادف انه بدر بيرجع في نفس الرحلة هو بعد
تقابلوا بالمطار وابتسموا لبعض
واستغربوا من الصدف الي للحين تجمعهم ببعض حتى يوم سفرهم
كل واحد منهم حط شنطته بالجهاز ومشيوا عشان يركبوا الطيارة
بس بالطيارة ماكانوا جنب بعض
بدر كان درجة اولى
وشجن درجة ضيافة (سياحية )
الرحلة كانت مزحومه خاصة درجة الضيافة
وكان جالس جنب شجن شاب قليل ادب ضايقها واضطرت انها تكلم
السوبر فايزر عشان يوقفه عند حده
فااقترح عليها السوبر فايزر بما انها بنت لوحدها والطيارة لسه
مااقلعت انها تروح لدرجة اولى فيها مقعد شاغر وبدون
مايحسب عليها شيء ابتسمت له شجن ووافقت
ولما وداها السوبر فايزر لقيت انه الكرسي الشاغر هو الكرسي الي جنب بدر
فرفضت انها تجلس جنبه عشان لايقول انها تلاحقه
فضحك لها بدر وقالها اتفضلي اختي ارتاحي مارح اسويلك شيء
شجن : لا مشكور انا برجع مكاني
بدر : لا والله مايصير انا بروح مكانك وانتي ارتاحي هنا
شجن : لا اعذرني
بدر : اجل خلاص اجلسي هنا واوعدك اني طول الرحلة مااتكلم
ولا اطالع يمك ابد
شجن : اوكي اتفقنا
اقلعت الرحلة
طول الرحلة بدر يبادلها نظرات متخفيه ويحاول انه يلفت نظرها بس مافي فايدة
شجن : لو سمحت ممكن الجريدة اذا انتهيت منها
بدر : اكييد اتفضلي
شجن : شكرا
بدر : عفوا
بعد شوي
كل واحد منهم استسلم لنومه
وصلت الرحلة
نزلوا للمطار
طبعا لقيوا اهلهم استقبلوهم
وراح ابو شجن يستلم شنطتها لكن تلخبط واخذ شنطة بدر
وبدر بعدين مالقى غير شنطة شجن واخذها لانها شبيه جدا بشنطته
شجن في البيت
شجن : وحشتيني يا أمي وانت يابوي
تعالوا اوريكم وش جبت لكم من كندا
تفتح الشنطة شجن وتلاقي صورة بدر وملابس رجالية عرفت انها تلخبطت معاه بالشنط
فقالها ابوها طالعي باغراضه مافي له عنوان او رقم
دورت شجن ومالقت الا رقم واحد
بدون اسم
فاتصل ابوها على الرقم وقاله تعرف بدر ...
طبعا اسمه موجود على الشنطة
صديق بدر : قاله ايه خير وش فيه
ابو شجن: خير ان شاء الله بس في المطار اتبدل شنطته مع شنطة بنتي
واذا كنت تعرف له رقم ياريت تدلنا عليه
طبعا الشاب ماقصر وعطاهم رقم بيته وجواله
بدر يوم وصل البيت وسلم على اهله
طلع غرفته يرتاح وطلب من الخدامة انها تجيب له الشنطة
وهو يفتح الشنطة استغرب
لقى ملابس بنت ملابس نسائية
بدر : يؤ يؤ وش ذا انا في كندا ماصار معي كذا
وش ذا الزين
ولقى صورة لشجن
وعرف ان الشنطة لها
بس ويلاقي على الشنطة مكتوب عوانها ورقم تلفونهم
ويروح ويتصل
بدر: الوو السلام عليكم
ابو شجن : وعليكم السلام
بدر: معاك بدر ...
ابو شجن: جيت والله جابك
شنطتك ياولدي عندنا
بدر : والله وانتو بعد شنطة الانسة شجن عندي
تواعدوا انهم يتقابلو ويبدلوا الشنط وكل واحد يأخذ شنطته
وفعلا تقابل ابو شجن وبدر
شجن استغربت من كل الصدف الي جمعتها ببدر للحين
في مواقف الجامعه
في السوق
الجولات
في المطار
في الطيارة
والشنطة
جلست شجن طول الليل تتخيل صورة بدر وتفكر فيه
وبدر نفس الشيء انشغل فكره بشجن
واتمنى انه تبادله نفس الشعور لانه معجب فيها لدرجة كبيرة
ووده لو تكون زوجته بس صعبه شوي لانه
خاطب بنت خالته قبل ما يسا فر وما يقدر يسيبها
حاول انه يتصل على شجن لكن ابد ماصادف انها ترد عليه
وصار يتخيلها طول الوقت وموقادر يشيل صورتها من باله
خاف بدر انه يعلق عقلة وقلبه في انسانه ماتفكر فيه ابد فحاول انه يتناسى الموضوع
انخطبت شجن واتحدد موعد الفرح
ومن محاسن الصدف ايضا انها طلعت تعرف خطيبة بدر
وطلعت صديقتها
فراحت شجن تعزمها لحفل زواجها
دانا : هلا والله شجن
شجن : ياهلا فيك
دانا : ياهووو وين الغيبة ولا كأن لكي صديقة تسألين عنها
شجن : اعذريني يادندون بس من يوم مارجعت من السفر وانا معتفسه
انخطبت فجأة واتحدد موعد العرس بين يوم وليلة وانا ماني مقتنعه بالرجال لكن اهلي يشفون انه انسب واحد لي
لانه غني ومركز اهله عالي وسمعته زينه
لكن انا ماابيه مااحس انه الشخص الي في بالي ودي بانسان لكن من الصعب اني الاقيه ثاني
دانا : يعني في احد في بالك
شجن : ايه
دانا : منو
شجن : شاب قابلته في كندا وصارت بينا مواقف كثيرة لكن مااعرف احساسه شلون ناحيتي
دانا : طيب ماتعرفين عنه شيء
شجن : للاسف لا
دانا : الله يعينك
طيب حاولي فهمي اهلك الموضوع قولي لهم انك ماتبين الي اختاروه لكي
شجن : مافي فايدة
امي مقتنعه فيه واقنعت ابوي
ابوي مايهمة المركز والفلوس ابوي يهمه الشاب شلون دينه واستقامته
لكن امي الله يهديها اقنعت ابوي بكل الوسائل
دانا : الله يكون بعونك
شجن : على العموم هذي بطاقة دعوة لعرسي انت والاهل طبعا تتفضلون
دانا : طيب اقدر اعزم الي ابيه
شجن: اكيد
اعتبريه عرسك انتي مو عرسي
دانا : يابعد عمري
شجن : استأذنك الحين وراي كذا مشوار للسوق
دانا: الله يعينك فمان الله
شجن : فمان الله
بعد شهر عرس شجن
دانا تكلم بدر
دانا : حبيبي لك معاي عزيمة في عرس صديقتي
بدر: شلوون
انتي تعرفين انا مااحب اروح للاعراس دندون بلييييز لاتجبريني ماابي
دانا : بدر مايصير لازم تروح لانك انت الي بتودينا اصلا وبدل ماتروح وبعدين ترجع
خلاص احضر العرس مرة وحده
بدر : منا لذاك اليوم يصير خير
بدر : اقول هو عرس مين
دانا : صديقتي شجن
بدر : شجن
دانا : ايه شفيك كأنك غصيت
بدر : لا ابد بس ارسلي لي الكرت ودي اشوفه
دانا : تعال اتغدى عندنا اليوم وبعدين شوفه
بدر : اوكي
يرووح بدر زي الريح لبيت دانا
ويشوف الكرت ويقرا الاسم شجن ...
ويعرف انها نفس الي شاغلة تفكيره وقلبه
ويزيد كآآآآآبه
ويتغير حاله
يوم العرس
طبعا شجن طلعت من اجمل مايكون
دانا : بدر وينك مارح توديني انا وامي للعرس
بدر : الا بجيك شوي
بدر: يسوق السيارة ودانا تسولف معاه وهو ابد مو وياها

الين ماوصلوا الفندق الي فيه العرس
تدخل دانا وامها لصالة الحريم
وبدر يروح لصالة الرجال
ويقابل ابو شجن ويسلم عليه ويتذكر ابو شجن انه هو الشاب الي تبدلت شنطتة بنته معاه
شوي وبدون سابق انذار يشب حريق بصالة الحريم
والاصوات تتعالى
ابو شجن خايف على بنته وزوجته ويجون رجال الاطفاء ويحاولون يسيطرون على الوضع
بدر يقول للعريس ادخل انقذ زوجتك
: لا يبه انا مو بايع عمري اذا لها عمر ومكتوبه لي مارح يحصل لها شي العريس
بدر يطالع فيه بنظرة استحقار
دقت شجن على ابوها تستنجد فيه وتقوله انه بغرفة العروس
وهي تصرخ ويسمعها بدر ويطير لها طيران
ويحاول انه يقتحم النيران الين مايقدر يوصل للغرفة الي فيها شجن
ويوم فتح الباب
وجت عينه بعيونها
شجن اغمى عليها ماصدقت الي صار
يقوم بدر ويشيلها بين ذراعه
ويطلع فيها من بين السنه اللهب
طبعا بدر نسي خطيبته وخالته لانه مافي احد في باله الا شجن
طلع للخارج ولفها بشماغه عشان لاحد يشوفها من الرجال الي بره
ويطلع مع ابوها وامها بسيارة الاسعاف
وطبعا عريسها منذهل من بدر شلون ماخاف على نفسه وانقذها وهي ماتصير له شيء ولاتقرب له
وتجلس بالمستشفى يومين من اثر الصدمة
ويجي يزروها عريسها في المستشفى لكن ابوها يطرده
لانه مو كفؤ انه يكون زوج لبنته
يتصل ابو شجن على بدر ويطلب منه انه يشوفه
ابو شجن : والله ياولدي ماني عارف وش اقولك انا عاجز عن شكرك
لانك انقذت حياة بنتي
واثبت لي انه النذل زوجها مايستاهلها
بدر: ياعمي ودي اطلبك طلب
ابو شجن : تفضل اطلب الي تبيه
بدر : ودي اكون نسيبك
ابو شجن : وانا اتشرف انه واحد مثلك يكون زوج لبنتي
وطبعا الباقي معروف
تزوجوا وعاشوا احلى حياة

ودانا انصدمت صدمة كبيرة في خطيبها وصديقتها
لكن تفهمت الوضع بعدين


أرجو أن تنال اعجابكم

قصه حب بالصدفة 706313 قصه حب بالصدفة 706313
الرجوع الى أعلى الصفحة اذهب الى الأسفل
ليله
Admin
Admin
ليله


عدد الرسائل : 275
تاريخ التسجيل : 15/08/2008

قصه حب بالصدفة Empty
مُساهمةموضوع: رد: قصه حب بالصدفة   قصه حب بالصدفة I_icon_minitimeالجمعة 12 سبتمبر 2008 - 0:22

حلوه جدا love تسلم ايدك قصه حب بالصدفة 782295 قصه حب بالصدفة 782295 قصه حب بالصدفة 706313 قصه حب بالصدفة 706313 قصه حب بالصدفة 706313 قصه حب بالصدفة 257734
الرجوع الى أعلى الصفحة اذهب الى الأسفل
 
قصه حب بالصدفة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
zamn.gid3an.com :: مـنـتـدى الـحـب والـرومـانـسـيـه :: قصص الحب-
انتقل الى: